ABŞ Estoniyaya "M142 HIMARS" çoxnövlü raket sistemi üçün təlim sursatı tədarük edəcək.
Ucnoqta.az xəbər verir ki, Estoniyanın müdafiə naziri Hanno Pevkur ERR-ə verdiyi müsahibədə bildirib.
"HIMARS sistemləri ilə bağlı yaxşı xəbər var. Təlim sursatı məsələsi həll edilib – ABŞ onu tədarük etməyə başlayır. Əsas sursatla bağlı Pentaqon tədarük parametrlərini nəzərdən keçirməyə hazırdır, lakin hələlik yekun qərar verilməyib.
Lakin, "Javelin" tank əleyhinə raket sistemi kimi digər məsələlərlə bağlı bütün suallar tamamilə həll olunub. Hazırda HIMARS üçün əsas sursatla bağlı yeganə qeyri-müəyyənlik qalır", – deyə o, bildirib.
Pevkur həmçinin bildirib ki, Avropada ABŞ qüvvələrinin azaldılması müzakirə olunsa da, Amerika qoşunları Estoniyada mövcudluğunu qoruyacaq. Nazir qeyd edib ki, "Mənə heç kim deməyib ki, Estoniyada Amerika bayrağının hər hansı bir şəkildə qatlanması olacaq".