İrana qurudan hücum ABŞ üçün başqa bir Vyetnama gətirib çıxara bilər

İran ABŞ-ı quru işğalının başqa bir Vyetnama gətirib çıxara biləcəyi barədə xəbərdar edib.

Ucnoqta.az xəbər verir ki, bu xəbərdarlıq İran xarici işlər nazirinin müavini Səid Xətibzadə tərəfindən Sky News-a verdiyi müsahibədə edilib.

"Amerikalıların buna heç bir səlahiyyəti yoxdur və onlar bunu gücdən çox sərxoş olduqları və istədiklərini edə biləcəklərini düşündükləri üçün edirlər, amma bu belə deyil. Biz özümüzü müdafiə edəcəyik. Vyetnamda baş verənlər haqqında oxuyun. Onlar başa düşürlər ki, onları bu müharibəyə sürükləyənlər onları bataqlığa sürükləyə bilərlər", – deyə İran xarici işlər nazirinin müavini bildirib.

Xətibzadənin sözlərinə görə, belə bir addım vəhşi, ehtiyatsız və bütün beynəlxalq hüquqa zidd olar.