Fransız aktrisa Bricit Bardot Tulonda xəstəxanaya yerləşdirilib.
Ucnoqta.az xəbər verir ki, bu barədə Var-Matin qəzeti öz mənbəyinə istinadən məlumat yayıb.
İnsayderdən verilən məlumata görə, 91 yaşlı kino ulduzu təxminən 10 gün əvvəl Saint-Jean Xəstəxanasına yerləşdirilib. Hazırda o, müşahidə altındadır.
16 oktyabrda "Nice Matin" qəzeti məşhurun "ciddi xəstəlik" diaqnozu ilə xəstəxanaya yerləşdirildiyini bildirib.
Jurnalistlərin məlumatına görə, o, əvvəllər əməliyyat olunduğu Tulondakı eyni özəl xəstəxanada müalicə olunurdu. O, 18 oktyabrda xəstəxanadan buraxılıb.
Bricit Bardot hazırda 91 yaşındadır. O, dünya kinosunun əfsanəsidir – 21 illik aktyorluq karyerası ərzində 45 filmdə rol alıb və 70-dən çox mahnı yazıb. 1973-cü ildən bəri Bardot özünü heyvan hüquqlarını qorumaq üçün fondunun işinə həsr edib.