“Global Media Group”un nəzdində fəaliyyət göstərən onlayn resurslara kütləvi haker hücumu həyata keçirilir.
Ucnoqta.az xəbər verir ki, bu barədə “Global Media Group” açıqlama yayıb.
Açıqlamada deyilir ki, bu kiberhücumlarla əlaqədar hazırda "Report.Az", "Oxu.Az", "Media.Az", "Baku.ws", ''Caliber.Az" saytlarının və "Baku TV"nin fəaliyyətində problem yaranıb.
"Serverlərə və saytların panelinə sızmalara cəhd edilir və saytların giriş səhifələrinə şəkillər yerləşdirilir.
Kütləvi kiberhücumların cəhdinin qarşısının alınması üçün təxirəsalınmaz tədbirlər həyata keçirilir. Mütəxəssislər hazırda saytların işinin bərpa olunması istiqamətində çalışır.
Xüsusi qeyd etmək istərdik ki, bu adi DDoS hücumu yox, peşəkar, hərtərəfli kiberhücumdur.
Eyni zamanda, bütün bu hücumlarla bağlı səlahiyyətli qurumlara məlumat verilib. Problemin aradan qaldırılması istiqamətində işlər aparılır", – açıqlamada qeyd olunub.
12:10
İranın "hüseynçilər" adlı terrorçu qrup tərəfindən Report İnformasiya Agentliyinə haker hücumu olub.
Ucnoqta.az xəbər verir ki, saytın ana səhifəsində məlum qrupun loqosu olan post yerləşdirilib.
Qeyd edək ki, digər saytlara da haker hücumu davam edir. Belə ki, oxu.az və baku.ws saytları da problemlə üzləşib.