Qubada avtomobil dərəyə aşıb

Fövqəladə Hallar Nazirliyinin Böhran Vəziyyətlərində İdarəetmə Mərkəzinə Quba rayonunun Qələdüz kəndi yaxınlığında "Hyundai" markalı minik avtomobilinin dərəyə aşması barədə məlumat daxil olub.

Ucnoqta.az Nazirliyin saytına istinadən xəbər verir ki, məlumatla əlaqədar Nazirliyin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunublar.

Həyata keçirilən xilasetmə tədbirləri nəticəsində nəqliyyat vasitəsinin içərisində sıxılmış vəziyyətdə qalan sürücü çıxarılaraq aidiyyəti üzrə təhvil verilib.