"Azərbaycan Dəmir Yolları" QSC-nin sədr müavini Vüsal Aslanov Prezident İlham Əliyevin Sərəncamı ilə "Bakı Metropoliteni" Qapalı Səhmdar Cəmiyyətinin sədri vəzifəsinə təyin olunub.
Ucnoqta.az Vüsal Aslanovun dosyesini təqdim edir:
V.Aslanov 1981-ci ildə anadan olub. O, Bakı Dövlət Universitetində (BDU) "Hüquq" ixtisası üzrə təhsil alıb, mülki və təsərrüfat hüququ üzrə magistr dərəcəsi əldə edib. 2020-ci ildə "Maastricht School of Management"i bitirib.
2004-2015-ci illərdə "Azərinşaatservis" MMC, "Azərinteltek" QSC, "Azərcon" ASC və "Retro-Park" MTK-da müxtəlif vəzifələrdə çalışıb.
2015-2016-cı illərdə isə "Azərbaycan Dəmir Yolları" Qapalı Səhmdar Cəmiyyəti sədrinin müşaviri vəzifəsində işləyib.
2016-cı ildə "Azərbaycan Dəmir Yolları" QSC sədrinin müavini təyin edilib.