Çoxlarının sevə-sevə istehlak etdiyi xurmanın az məlum olan zərəri aşkarlanıb. Bu meyvə həddindən artıq istehlak edildikdə bəzi sağlamlıq problemlərinə səbəb ola bilər.
Ucnoqta.az xarici mətbuata istinadən xəbər verir ki, tərkibində A, C və E vitaminləri, kalium və fosfor kimi minerallar olan xurma son dərəcə faydalı meyvədir.
Lakin bu şəfalı meyvənin həddindən artıq istehlakı bəzi sağlamlıq problemlərini də gətirir.
Tərkibindəki yüksək antioksidant sayəsində hüceyrə zədələnməsinin qarşısını alan və qocalma prosesini yavaşlatan xurma immun sistemini dəstəkləyir və həzm problemlərini tənzimləməyə kömək edir.
Xurmanın yetişməmiş forması çox istehlak edildikdə mədə və həzm sistemində tıxanmaya səbəb ola bilər.
Tannin və şibuol xüsusilə yetişməmiş xurmalarda olur. Xurmanın həddindən artıq istehlakı zamanı bu maddələr sonradan orqanizmdə sellüloza və zülala çevrilərək mədə, həzm sistemində və bağırsaqlarda pulpa əmələ gətirir. Əslində, bu maddə bəzən çox böyük miqdarda baş verə bilər və birləşərək bağırsaq tıxanmasına səbəb ola bilər.