Türkiyədə “Samsung Galaxy Buds FE” qulaqcığı istifadəçinin qulağında partlayıb və nəticədə geri dönməz eşitmə itkisi yaranıb. Lakin o, Cənubi Koreyanın İT nəhəngindən heç bir təzminat ala bilməyib.
Ucnoqta.az xəbər verir ki, bu barədə https://www.gizmochina.com/2024/09/23/sad-news-samsungs-galaxy-buds-fe-suddenly-explode-leaving-one-user-with-hearing-loss/ GizmoChina nəşri məlumat yayıb.
Sevgilisinə Galaxy Buds FE hədiyyə edən forum istifadəçisi qulaqcığın heç bir nasazlıq işarəsi olmadan partladığını iddia edir.
O, qulaqcıqları və qutunu “Samsung” servis mərkəzinə aparıb, lakin kömək etmək və baş verənlərin səbəblərini izah etmək əvəzinə, ona yalnız nasaz cihazı dəyişdirməyi təklif ediblər.
GizmoChina qızın sağlamlığı üçün ciddi nəticələri nəzərə alaraq bu təklifi yersiz hesab edib.
Vəziyyət məhsulun kütləvi şəkildə geri çağırılmasına səbəb olan məşhur Galaxy Note 7 partlayışı ilə paralellər yaradır. Bununla əlaqədar olaraq, Samsung-un hadisə ilə bağlı hərtərəfli araşdırma aparacağı və gələcəkdə Galaxy Buds FE ilə oxşar insidentlərin qarşısını almaq üçün tədbirlər görəcəyi gözlənilir.
Zərərçəkənin sevgilisi məhkəməyə müraciət etmək niyyətindədir.