3
Amerika Birləşmiş Ştatlarının Maliyyə Nazirliyi, Vaşinqtonun fikrincə, İran Müdafiə Nazirliyinin ballistik raketlər üçün komponentlər almasına şərait yaradan İran və Çindən olan beş fiziki şəxs və yeddi quruma qarşı sanksiyalar tətbiq edib.
Ucnoqta.az xəbər verir ki, bu barədə Amerikanın maliyyə departamenti məlumat yayıb.
Məlumata görə, sanksiyaya məruz qalan şəxslər İranın ballistik raket və pilotsuz uçuş aparatları proqramının əsas elementləri kimi xidmət edən akselerometrlər və giroskoplar da daxil olmaqla müxtəlif komponentlər alıblar.
Hesabatda iddia edilir ki, Tehran bu silah sistemlərini Rusiyaya və Yaxın Şərqdəki müttəfiqlərinə ötürür.