Gənc psixoloq Leyla Salmanlının "Autizim və Beyin" mövzusunda layihəsinin təqdimatı keçirilib.
Ucnoqta.az xəbər verir ki,təqdimatın təşkilatçısı “Zəfər Yolu – Müharibə İştirakçılarına və Şəhid Ailələrinə Humanitar Dəstək" İctimai Birliyidir.
Təşkilat sədri Pərvanə Salmanqızı tədbirdə çıxış edərək bildirib ki, layihənin məqsədi autizm xəstəliyinin cəmiyyətə inteqrasiyasına nail olmaq, alternativ yanaşma ilə onların potensialını üzə çıxarmaqdan ibarətdir.
Tədbirdə çıxış edən Leyla Salmanlı vurğulayıb ki, layihənin əsas devizi “Yaşatmaq üçün yaşa” şüarından ibarətdir. L.Salmanlı GPN-nin "Strong Academy" ilə birlikdə "Autizm Treatment Center of America"nın tətbiq etdiyi "Son-Rise" terapiya proqramı üzərindən autizmli fərdlərə daha fərqli terapiya üsulu ilə yanaşma metodunun tətbiqinə çalışır. “Məqsədimiz autizmli fərdlərin gizli potensialını göstərməkdən ibarətdir”, – deyə L.Salmanlı bildirib.
Tədbirdə "Alternativ Psixologiya" elminin müəllifi, tibbi və biologiya elmləri doktoru, professor, Oksford Universitetinin akademiki Yaşar İbadov, Respublika Qadınlar İctimai Birliyinin sədri Bahar Qasımova, biologiya elmləri doktoru Yeganə Mahmudova, məşhur xeyriyyəçi Musa Nağıyevin nəvəsi Dilarə Nağıyeva-Muxtarova, şəhid anası Çiçək Biləndərli, Əməkdar müəllim Zülfiyyə Vəliyeva çıxış edərək, autizmdən əziyyət çəkən gənclərə dəstək göstərilməsinin vacibliyini vurğulayıblar.
Tədbir iştirakçıları bildiriblər ki, təqdim olunan layihənin əsas məqsədi autizmdən əziyyət çəkən insanlarda özünə güvənin artması, onların sıralarından cəmiyyət üçün faydalı kadrlar yetişməsinə yardım edəcək.
Təqdimatda bir sıra pedaqoqlar, psixoloqlar, media nümayəndələri və QHT rəhbərləri iştirak ediblər.