“Ərim çox qısqancdır”

Müğənni Aysun İsmayılova hamiləliyindən və şəxsi həyatından danışıb.

Ucnoqta.az xəbər verir ki, “Günaylı Gün” verilişində qonaq olan ifaçı deyib:

“Mən çox enerjili insanam. Səhnəsiz qala bilmərəm. Evdə də eləyəm, 15-20 dəqiqəyə yemək hazırlaya, süfrə aça bilərəm. 1 saatın içində 3-4 cür yemək hazırlaya bilərəm. Evdə də köməkçim yoxdur, təkcə həftədə bir dəfə bir xanım gəlir və kömək edir.

2 ay sonra ana olacağam. Hələ ki, uşağımın otağı hazır deyil. 8 ay tamam olandan sonra hazırlıqlara başlayacağam. Amma fikrimdə artıq alacağım şeyləri tutmuşam. Mən çəhrayı geyimlər filan almaq istəyirəm, amma ərim icazə vermir, deyir ki, olmaz. O, Buğa bürcüdür, qısqancdır, indidən uşağı qısqanır. Deyir, qızdır “cicili-bicili” geyindirməyə icazə vermir”.