Zülfiyyə Xanbabayeva “Şuşanın dağları”nı yeni versiyada oxudu –

Xalq artisti Zülfiyyə Xanbabayeva Heydər Əliyev Fondu və Mədəniyyət Nazirliyinin təşkilatçılığı ilə Şuşada keçirilən “Xarıbülbül” VII Beynəlxalq Musiqi Festivalında çıxış edib.

Ucnoqta.az xəbər verir ki, o, tədbirdə “Şuşanın dağları” mahnısını yeni versiyada oxuyub.

Mahnıda “Şuşanın dağları”nın ilk ifaçısı Xan Şuşinskinin də səs yazısı yer alıb. Xanbabayeva onunla virtual duet ifa edib.

“Xan əmi… Neçə nəsillərə miras qoyduğunuz əvəzsiz əsərinizi illər sonra Sizinlə Şuşada ifa etməyimlə qürur duyur və ruhunuz qarşısında baş əyirəm”, – deyə müğənni instaqram hesabında yazıb.