2
Avropa İttifaqı (Aİ) Şurası Rusiyaya qarşı sanksiyaları avtomatik olaraq 6 ay müddətinə iyulun 31-dək uzadıb.
Ucnoqta.az xəbər verir ki, bu barədə Avropa Şurasının rəsmi açıqlamasında deyilir.
“Aİ Şurası bu gün Ukraynada sabitliyi pozan hərəkətlərə görə Rusiyaya qarşı qadağanedici tədbirləri 2024-cü il iyulun 31-dək uzadıb”, – bəyanatda deyilir.
Həmçinin bildirilir ki, sanksiyalar ilk dəfə 2014-cü ildə ticarət, maliyyə, texnologiya və ikili təyinatlı mallar, eləcə də sənaye, nəqliyyat və lüks mallara qoyulan məhdudiyyətləri əhatə edib.