Səudiyyə Ərəbistanının “Əl-Nasr” klubu Çin klublarına qarşı keçirəcəyi iki yoldaşlıq oyununu komandanın lideri portuqaliyalı Kriştianu Ronaldonun yüngül zədə alması səbəbindən qeyri-müəyyən müddətə təxirə salıb.
Ucnoqta.az xəbər verir ki, "Əl-Nəsr" Çində rusiyalı baş məşqçi Leonid Slutskinin rəhbərlik etdiyi "Şanxay Şenxua" (24 yanvar) və "Zhejiang Professional" (28 yanvar) ilə görüşlər keçirməli idi.
38 yaşlı Ronaldo çinli azarkeşlərdən üzr istəyib. “22 ildir futbol oynayıram və çox zədə almamışam. Mən Çinə 2003-2004-cü illərdən gəlirəm, ona görə də burada özümü evimdəki kimi hiss edirəm – bu, mənim ikinci vətənimdir. Burada özümü həmişə xüsusi hiss edirdim. Kədərlənirəm. Bilirəm ki, sən də kədərlənirsən”, – portuqaliyalı deyib.
Ronaldonun sözlərinə görə, matçlar mütləq başqa günlərdə baş tutacaq.