Sankt-Peterburq sakinlərinə hücumda ittiham olunan qalmaqallı blogerlər dəstəsinin lideri Tural Məmmədovun Azərbaycanda saxlanıldığı bildirilir.
Ölkə.Az-ın xəbərinə görə, onlar Sankt-Peterburq sakinlərinə hücumlarını əks etdirən videolarını sosial şəbəkələrdə yerləşdirməklərinə görə tanınıblar.
Döyülmə faktı ilə bağlı cinayət işi başlanıb, qrupun on üzvü saxlanıb.
İstintaqdan yayınan Məmmədov beynəlxalq axtarışa verilib. Bloger saxlanılıb və konvensiyaya uyğun olaraq Rusiya Federasiyasına ekstradisiyasını gözləyir.
Oktyabrın 15-də Rusiya Federasiyası İstintaq Komitəsinin sədri Aleksandr Bastrıkin Sankt-Peterburq küçələrində Azərbaycandan olan bir qrup şəxs tərəfindən yoldan keçənlərin döyülməsi ilə bağlı cinayət işinin başlanmasına göstəriş verib. Növbəti iki gün ərzində polis altı şübhəlini saxlayıb, qrupun müəyyən edilmiş üzvlərindən yalnız Tural Məmmədov azadlıqda olub. Hüquq-mühafizə orqanlarının məlumatına görə, o, rezonans doğuran videoların yerləşdirildiyi teleqram kanalının administratorudur.
Bundan əlavə, oktyabrın 19-da Rusiya Daxili İşlər Nazirliyinin Baş İdarəsi 5 nəfərdən ibarət ikinci qrupun saxlanılması barədə məlumat yayıb.
Həmçinin bildirilir ki, dəstə üzvləri insanları döyərkən özlərini “Azərbaycan mafiyası” adlandırıblar.