İtaliyada aparılan qazıntılar zamanı bir cüt skelet aşkar edilib. İlk baxışdan arxeoloqları heyran edən bu skeletlər bir-birinə baxır, ayaqları bir-birinə dolanıb. Bu görüntü skeletləri "Valdaro Aşiqləri" kimi tanıtdırıb.
Bu kəşf internetdə sürətlə yayılıb və onlara "Valdaro Aşiqləri" ləqəbi verilib. Çoxlarına bu meyitlər Romeo və Cülyettanın vaxtsız və faciəli sona çatan sevgi hekayəsini xatırladıb. Arxeoloqlar "Valdaro Aşiqləri"ni araşdırarkən bir sıra maraqlı kəşflər ediblər.
Cütlük təxminən 6000 il əvvəl Neolit dövründə ölüb. Bu şəkildə basdırılan skeletlər Neolit dövrü üçün nadir sayılır.
Digər iddialara görə isə skeletlər 20 yaşında insanlara məxsusdur. Skeletlərdə heç bir zorakılıq əlaməti yoxdur.
Geniş təhlillər nəticəsində məlum olub ki, skeletlərin hər ikisi kişidir. Lakin tədqiqatçılar qədim zamanlarda homoseksual əlaqələri olan insanların birlikdə dəfn edilməsinin qeyri-adi olduğunu bildiriblər. İki kişinin yaşı oxşar olduqda və dövrün şərtləri nəzərə alaraq arxeoloqlar iki nəfərin qardaş, qohum və ya döyüşdə birlikdə həlak olmuş əsgərlər olduğunu düşünürlər.///publika