1
Nigeriya sahillərində dəniz quldurlarının hücumuna məruz qalan "Mozart" gəmisində girov götürülən 15 türk dənizçi xilas edilib.
“Qafqazinfo” xəbər verir ki, bununla bağlı Türkiyə mətbuatı məlumat yayıb.
Yanvarın 23-də təşkil edilən hücumdan sonra heyətdən bu gün xoş xəbər alınıb. 15 dənizçi dəniz quldurlarının əlindən heç bir zərər görmədən xilas olunub. Onların vəziyyətinin yaxşı olduğu bildirilir. Onlar 2-3 gün içərisində İstanbula gətiriləcəklər.
Xatırladaq ki, Qvineya körfəzində “Mozart” konteyner gəmisinə hücum zamanı gəmiyə daxil olan quldurlar 2-ci mühəndis, azərbaycanlı Fərman İsmayılovu qətlə yetirib, 15 nəfər Türkiyə vətəndaşını isə qaçırmışdı.