Türkiyə prezidenti Rəcəb Tayyib Ərdoğan bildirib ki, Astanada Suriya ilə bağlı aparılacaq danışıqlara Səudiyyə Ərəbistanı və Qətər qoşulmalıdır. "Report" "Associated Press"ə istinadən xəbər verir ki, Türkiyə liderinin sözlərinə görə, Ər-Riyad və Doha Suriya münaqişəsinin nizamlanmasında "xoş məram və dəstək nümayiş etdirdikləri üçün" görüşdə iştirak etməlidirlər.
Ərdoğan, bununla yanaşı qeyd edib ki, Ankaranın kürd birləşmələrlə əlaqədə şübhəli bildiyi "terror təşkilatları" danışıqlara dəvət olunarsa, Türkiyə iştirakdan imtina edəcək.
