Qurban Yetirmişli: "Azərbaycanda 7 baldan güclü zəlzələ ola bilməz"

Bu il Azərbaycanda qeydə alınan zəlzələlərin sayı açıqlanıb. Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin direktoru Qurban Yetirmişli APA-ya deyib ki, bu il Azərbaycan və ona sərhəd ərazilərdə 4398 yeraltı təkan qeydə alınıb. Onun sözlərinə görə, Azərbaycanda baş verən zəlzələlərdən 47-nin maqnitudası 3-dən çox olub. Hiss edilən 8 təkanın olduğunu deyən Q. Yetirmişli bildirib ki, bunun 5-i sərhəddə (İran, Gürcüstan, Dağıstan) 3-i isə Azərbaycan ərazisində baş verib.

 Direktor qeyd edib ki, zəlzələlərin qeydə alındığı ən aktiv zona Mərkəzi və Cənubi Xəzər çökəkliyi, Şamaxı, İsmayıllı, Şəki, Zaqatala, Balakəndə olub: “Sərhəd ölkələrdə baş verən zəlzələlərin Azərbaycanda da qeydə alınması tektonik qırılmaların nəticəsidir. Qırılmalar və zəlzələlər sərhəd tanımır. Hazırda sərhədlərdə Urmiya-Abşeron, TransQafqaz, Mahaçqala-Krasnavods dərinlik qırılmaları mövcuddur”.
 Q.Yetirmişli əlavə edib ki, müəyyən vaxtlarda zəlzələ zonaları aktivləşir, bəziləri hərəkətdə olur. Bunların hamısı yerdəki blokların və plitələrin hərəkəti nəticəsində baş verir.
“Onların toqquşması nəticəsində sürətlərindən asılı olaraq kollezion zonada daha ciddi fəsadlar, güclü təkanlar olur. Azərbaycanın ərazisi də bloklara ayrılıb və bunlar arasındakı dərinlik qırılmaları ən çox təmas zonasında baş verir. Bu zaman onların sürəti və toplanan enerjidən asılı olaraq zəlzələnin gücü məlum olur. Azərbaycan baş verən zəlzələlərin ən maksimal maqnitudası 7 ola bilər. Yəni, Azərbaycanda 7 baldan güclü zəlzələ ola bilməz”, - deyə mərkəzin direktoru vurğulayıb.

Tarix
13 İyul 2016 [17:20]
Müəllif
Üç nöqtə
Digər xəbərlər
2016-07-13 17:20:40
Xəbər xətti
Foto
Video
Çox oxunanlar
Sorğu
Xüsusi karantin rejiminə əməl edirsiniz?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin