Yaponiya Özünümüdafiə Qüvvələri və ABŞ Silahlı Qüvvələri təxminən 9600 əsgərin iştirakı ilə genişmiqyaslı Resoulute Dragon təliminə başlayıblar.
Ucnoqta.az xəbər verir ki, Nikkei qəzetinin məlumatına görə, manevrlərin məqsədi Yaponiyanın cənub-qərb adalarının müdafiəsini məşq etmək və gəmi əleyhinə raket sistemlərinin yerləşdirilməsinə hazırlıq görməkdir.
Oita prefekturasının təlim poliqonunda keçiriləcək səhra təlimlərində Tip-88 və Tip-12 idarə olunan gəmi əleyhinə raketlər üçün buraxılış qurğuları iştirak edəcək.
Kumamoto prefekturasındakı Kenqun hava bazasında iki tərəf əks-hücum imkanlarını məşq etmək üçün stolüstü təlim keçirəcək. Şizuokadakı Özünümüdafiə Qüvvələrinin bazasında yerləşdirilən Tip-25 gəmi əleyhinə raketləri və Tip-25 səsdən sürətli sürüşmə vasitələrini idarə edən bölmələr iştirak edəcək.
Təlimlərə ucqar adalara raket buraxılış qurğularının yerləşdirilməsini məşq etmək daxil olacaq. "Nihonbare" nəqliyyat gəmisi Amami adalarına "Type-12" gəmi əleyhinə raket buraxıcısını çatdıracaq. Raketlərin yanacaqla doldurulması da orada həyata keçiriləcək.