Çində təhsil alan azərbaycanlı idmançı vəfat etdi - Foto

Çinin Pekin İdman Universitetində təhsili alan azərbaycanlı idmançı Sadiq Həsənov dünyasını dəyişib.

Ucnoqta.az Report-a istinadən xəbər verir ki, S.Həsənov bu gün vəfat edib.

O, xərçəng xəstəliyindən əziyyət çəkirdi. Mərhum idmançı sabah doğulduğu Cəlilabad rayonunun Günəşli kənd qəbiristanlığında dəfn olunacaq.

Qeyd edək ki, Sadiq Həsənağa oğlu Həsənov 1985-ci ildə anadan olub. O, Sumqayıt Dövlət Universitetininin tarix fakültəsinin məzunudur. S.Həsənov bakalavrı bitirdikdən sonra magistr təhsilini Çinin Pekin İdman Universitetində dövlət hesabına bitirib. Sonradan həmin universitetdə doktorantura təhsilinə başlayıb və təhsilini davam etdirib. S.Həsənov uzun illər idmanın bir neçə - kinqboks, tayboks, taekvando, uşu-sanda, qaydasız döyüş növləri ilə məşğul olub və dəfələrlə ölkə çempionu olub. O, mütəmadi olaraq, Çində ölkəmizi bu idman növləri üzrə layiqincə təmsil edib. S.Həsənov həmçinin peşəkar fitneslə də məşğul olub və Çinin müxtəlif şəhərlərində dəfələrlə fitnes-model yarışlarının qalibi olub.

İdmançı həmçinin bu ölkədə müxtəlif döyüş səhnələrindən bəhs olunan filmlərə çəkilib.

Tarix
18 Sentyabr 2021 [20:07]
Müəllif
Üç nöqtə
2021-09-18 20:07:34
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin