Nərimanov rayonu ərazisində yol-nəqliyyat hadisəsi baş verib. DİN-dən Trend-ə verilən məlumata görə, martın 21-də saat 3 radələrində Nərimanov rayonu ərazisində Bakı şəhər sakini Fərhad Rüstəmov idarə etdiyi “Nissan” markalı avtomobillə yolu keçən Yevlax rayon sakini Nəcəf Niqmətullayevi vurub. Nəticədə xəstəxanaya yerləşdirilmiş piyada orada ölüb. Nərimanov RPİ tərəfindən araşdırma aparılır.