Sentyabrın 29-da ABŞ prezidenti Donald Trampın Qəzza münaqişəsinə son qoymağa dair tam plan irəli sürüb.
Ucnoqta.az xəbər verir ki, planın detalları Ağ Evin X sosial media səhifəsində dərc olunub.
Trampın Qəzza planı nədir?
Qəzza sülh planı 20 bənddən ibarətdir. Geniş şəkildə desək, o, girovların azad edilməsi, infrastrukturun bərpası, radikal Fələstinin HƏMAS hərəkatı və digər qrupların bölgədəki hakimiyyətdən uzaqlaşdırılması müqabilində İsrail qoşunlarının zolaqdan çıxarılmasını və hərbi əməliyyatların dayandırılmasını tələb edir.
İsrail planla razılaşarsa, HƏMAS-ın qalan yəhudi girovlarını azad etmək üçün 72 saat vaxtı olacaq. Yenidənqurma və “terrorun aradan qaldırılması” çərçivəsində Qəzzada radikal hərəkatın və digər qrupların birbaşa və dolayı yolla hakimiyyətdən uzaqlaşdırılması planlaşdırılır. Bu öhdəliklərin yerinə yetirilməsinə “regional tərəfdaşların” zəmanət verməsi planlaşdırılır.
Girovların azad edilməsindən sonra İsrail ömürlük həbsə məhkum edilmiş 250 məhbusu, həmçinin anklavın 1700 sakinini azad edəcək. Silahsızlaşdırmaya razılıq verən HƏMAS üzvləri amnistiyaya məruz qalacaq və onlara təhlükəsiz keçid vasitəsilə ev sahibliyi edən ölkələrə getməyə icazə veriləcək.
Bundan sonra zolaq texnokratik, siyasi olmayan Fələstin komitəsinin müvəqqəti idarəçiliyinə keçəcək. Yeni orqan Qəzza sakinləri üçün ictimai xidmətlərin və bələdiyyələrin gündəlik fəaliyyətinə cavabdeh olacaq. Fələstin polis bölmələrinə təlim keçmək və onlara dəstək vermək üçün Beynəlxalq Stabilləşdirmə Qüvvələri (ISF) də yaradılacaq.
Razılaşma qüvvəyə mindikdən sonra anklav ərazisinə humanitar yardımlar göndəriləcək. Qəzzada dinc həyatın bərpası perspektivli investisiya təklifləri kontekstində baş tutacaq. Qəzzadada həmçinin iştirakçı ölkələrlə razılaşdırılacaq güzəştli tariflərə və çıxış tariflərinə malik iqtisadi zonanın yaradılması nəzərdə tutulur.
