Azərbaycan Premyer Liqasının III turundan təxirə salınmış “Turan Tovuz” – “Qarabağ” görüşünün təyinatları açıqlanıb.
Ucnoqta.az xəbər verir ki, Tovuz şəhər stadionunda keçiriləcək görüşü Tural Qurbanov idarə edəcək.
Ona laynsmanlar qismində Elşad Abdullayev və Pərvin Talıbov yardımçı olacaqlar.
Qarşılaşmanın 4-cü hakimi Vüqar Həsənli təyin edilib.
Matçın VAR hakimləri də məlumdur. Belə ki, Nicat İsmayıllı əsas videoköməkçi olacaq, Eyyub İbrahimov ona yardım edəcək.
Qeyd edək ki, qarşılaşma noyabrın 9-da saat 14:30-da start götürəcək.
Azərbaycan Premyer Liqası
III turdan təxirə salınmış oyun
9 noyabr (çərşənbə)
14:30. “Turan Tovuz” – “Qarabağ”
Hakimlər: Tural Qurbanov, Elşad Abdullayev, Pərvin Talıbov, Vüqar Həsənli
VAR: Nicat İsmayıllı
AVAR: Eyyub İbrahimov
Hakim-inspektor: İmanxan Sultani
Tovuz şəhər stadionu.