ABŞ hesab edir ki, ABŞ-nin Florida ştatında Ukrayna nümayəndə heyəti ilə Vaşinqton və Avropadan olan nümayəndələr arasında keçirilən danışıqlar məhsuldar və konstruktiv olub.
Ucnoqta.az xəbər verir ki, bu barədə ABŞ Prezidentinin xüsusi nümayəndəsi Stiven Uitkoff bildirib.
"Son üç gün ərzində Ukrayna nümayəndə heyəti Amerika və Avropa tərəfdaşları ilə bir sıra məhsuldar və konstruktiv danışıqlar aparıb" - o, X-də yazıb.
Uitkoff bildirib ki, ABŞ və Ukrayna məsləhətləşmələr zamanı növbəti addımlara diqqət yetiriblər.