ABŞ prezidenti Donald Trampın xüsusi nümayəndəsi Stiven Uitkoffa məxsus olduğu ehtimal edilən təyyarə Rusiya ilə sərhədi keçib.
Ucnoqta.az Rusiya mətbuatına istinadən xəbər verir ki, Bombardier Global 7500 təyyarəsi bir müddət əvvəl ABŞ-ın Florida ştatındakı Fort Lauderdale - Hollivud Beynəlxalq Hava Limanından havaya qalxıb. Təyyarə artıq marşrutun Avropa hissəsində Norveç, İsveç və Latviyanın hava məkanını keçib və Smolensk vilayəti üzərində uçur. Bunu Flightradar izləmə xidmətinin məlumatları sübut edir.///tass