İspaniyanın "Real Madrid" klubu dünyanın ən gəlirli futbol klublarının reytinqində birinci yeri tutub.
Ucnoqta.az xəbər verir ki, araşdırma Deloitte şirkəti tərəfindən aparılıb.
Məlumata görə, “Real Madrid”in gəliri 2023/24 mövsümündə 1,046 milyard avronu keçib ki, bu da araşdırma tarixində ən yaxşı nəticədir.
Bir il əvvəl Madrid klubunun gəliri 831 milyon avro olub.
İlk onluqda həmçinin "Mançester Yunayted" (İngiltərə, 771 milyon avro), "Bavariya" (Almaniya, 765 milyon avro), "Barselona" (İspaniya, 760 milyon avro), "Arsenal" (İngiltərə, 717 milyon avro), "Liverpul" (İngiltərə, 715 milyon avro) , "Tottenhem" (İngiltərə, 615 milyon avro) və "Çelsi" (İngiltərə, 546 milyon avro) yer alıb.
Reytinqdə yer alan klubların ümumi gəliri 11,2 milyard avro təşkil edib ki, bu da nəzərdən keçirilən əvvəlki dövrün göstəricilərini 6% üstələyir.
Araşdırma klubların illik maliyyə hesabatları və ya ayrı-ayrı klublar tərəfindən təqdim olunan məlumatlar əsasında aparılıb.
Gəlirlərə transfer xərcləri və ya satışla bağlı digər məbləğlər daxil edilməyib.