0
Bakı Nəqliyyat Agentliyinin Mətbuat xidmətinin rəhbəri Mais Ağayev və ailəsi koronavirusa yoluxub.
Ucnoqta.az xəbər verir ki, bu barədə Mais Ağayev sosial şəbəkədə məlumat verib.
Onun sözlərinə görə, bir neçə gün davam edən hərarət və halsızlıqla bağlı həkimə müraciət edib: “Mən, həyat yoldaşım və övladımın test nəticələri pozitiv çıxdı. Mən inanıram ki, virusa qalib gələcəyik”.
Mais Ağayev vətəndaşlara müraciət edərək bildirib ki, gündəlik gigyenik qaydalara əməl etsinlər, maskadan istifadə etsinlər, çünki məsuliyyətsiz davranış digər bir insanın yoluxmasına səbəb ola bilər.