İranın qərbində zəlzələ oldu

İranın qərbində yerləşən İlam vilayətinin Pəhlə şəhəri yaxınlığında 4,3 bal gücündə zəlzələ baş verib.

Bunu İranın Tehran Universiteti Geofizika İnstitutu Seysmologiya Mərkəzi bildirib.

Zəlzələ yerli vaxtla saat 13:50-də 10 kilometr dərinlikdə qeydə alınıb.

Dağıntı və tələfat barədə məlumat verilməyib.

Qeyd edək ki, 8 noyabrda İranın Şərqi Azərbaycan vilayətinin Miyana rayonunun Tərk şəhəri ətrafında yerli vaxtla saat 02:17-də 5,9 bal gücündə zəlzələ baş verib.

Zəlzələ nəticəsində 5 nəfər həlak olub, 700-dən çox insan yaralanıb.