0
Rusiya Daxili İşlər Nazirliyinin Moskva üzrə Baş İdarəsinin xüsusi işlər üzrə baş müstəntiqi polis polkovnik-leytenantı yol qəzasında həyatını itirib.
Ucnoqta.az “RenTV”yə istinadən xəbər verir ki, dəhşətli qəza sentyabrın 10-u axşam saatlarında Voronej əyalətinin Verxnemamonsk rayonunda qeydə alınıb.
DİN-in əməkdaşı tətildə olub. Hadisə zamanı o, avtomobilin sərnişin kreslosunda oturub.
Bildirilir ki, “Mercedes”in sürücüsü sükan idarəetməsini itirərək əks yola çıxıb və “İsuzu” markalı maşınla toqquşub.
Hüquq-mühafizə orqanının əməkdaşı aldığı xəsarətlərdən yerindəcə dünyasını dəyişib. Onun həyat yoldaşı isə xəstəxanaya yerləşdirilib.
İnsidentlə bağlı araşdırmalar aparılır.
Namiq Musayev