Müğənni Aysel Əlizadənin ailəsini dağıtdığını iddia edən Turanə Nəcəfova, həyat yoldaşı Elçin Nəcəfovla bağlı bir qaranlıq məqamı efirdə açıqlayıb.
Ucnoqta.az Milli.Az-a istinadən xəbər verir ki, ailəsi dağılan iki qız anası, "Səni axtarıram"da Elçinin "Yetim" təxəllüsünün haradan qaynaqlandığına aydınlıq gətirib:
"İnanırsınız, mən sonradan bildim ki, yoldaşımın "Yetim" ləqəbi var. Uşaqlıqda anaları rəhmətə gedib. Ata o biri qardaşı götürüb. Bu da rayonda əmi, bibi himayəsində qalıb. 18 yaşı tamam olandan sonra atasının yanına qayıdıb".
Elçinin xalası qızı olduğu deyilən qadın Xoşqədəmə mesaj yazıb:
"Elçin Bakıda pullu oğlanlardan biridir. Mən inanıram ki, maşını da Ayselə xalam oğlu Elçin verib. Turanə bizi tanımaz. Çünki xalam oğlu bizi heç vaxt axtarmayıb. Amma biz xala qızları onun adını eşidəndə çox pis oluruq. Elçinin 3 yaşı olanda xalam 25 yaşında vəfat edib. Onu mənim anam Mahirə müəllimə böyütdü. Amma Elçin böyüyüb biznesmen oldu, onu böyüdən xalanın dəfninə də gəlmədi. Gözümüz qapıda qaldı ki, Elçin ona görə əziyyət çəkən xalanın son görüşünə gələcək. Amma demək Elçinin başı qızlara qarışıb. Bunları yazan, Elçinin Rusiyada yaşayan xalası qızı Sevda xanımdır".