APSC (Azerbaijan Public Speaking Competition) dünya təcrübəsini tətbiq edərək Azərbaycanda gələcək liderləri, natiqləri yetişdirən təhsil proqramıdır.
Proqram 9 fərqli istiqamət üzrə uşaqlar, yeniyetmələr, gənclər və şirkətlər üçün təqdimat, ünsiyyət və natiqlik kimi bacarıqları inkişaf etdirən müxtəlif fəaliyyətlər təklif edir. Proqram çərçivəsində il boyu təlimlər, yarışmalar, yay məktəbləri təşkil edilir. APSC Britaniyanın 100 ildən artıq təcrübəyə malik ESU “The English-Speaking Union” təşkilatının tanınan tərəfdaşıdır. Əməkdaşlıq çərçivəsində, qalib olan şəxslər beynəlxalq yarışmada iştirak üçün hər il Londona səyahət edirlər.
Eyni zamanda, APSC Amerika Birləşmiş Ştatlarının PSA “Public Speakers Association” təşkilatı ilə əməkdaşlıq edir. Hər il müxtəlif ölkələrdə baş tutan “Beynəlxalq Natiqlər Konfransı” dünyanın hər yerindən korporativ işçiləri, şirkət rəhbərlərini, natiqləri, biznes liderlərini bir araya gətirir. Konfransda Azərbaycandan seçilən şəxslər iştirak edirlər.
Layihə haqqında
Proqram dünyanın ən böyük natiqlik yarışması olan “International Public Speaking Competition” proqramının bəsləyici yarışmasıdır. APSC hər il Azərbaycanı beynəlxalq yarışmada təmsil etməsi üçün qalibi Londona göndərir. Qalib olan şəxs 54 ölkədən olan qaliblərlə birlikdə 5 gün müddətində yarışır.
Proqram şəxsi inkişaf və yarışma olmaqla 2 hissədən ibarətdir. Bütün iştirakçılar peşəkar və təcrübəli təlimçilər tərəfindən 20 saatlıq təlim kursunda iştirak edir. Daha sonra mentorların köməyilə öz təqdimatlarını hazırlayırlar. Kursların ardından bütün iştirakçılar beynəlxalq diplomla təltif olunurlar.
Şəxsi inkişaf kurslarını bitirən şəxslər yarışmada iştirak edirlər. İştirakçılar yarışmada 5-7 dəqiqəlik çıxışlar edirlər. Çıxışlar jüri tərəfindən 100 ballıq sistemlə dəyərləndirilir. Yarışmada qalib olan şəxs Azərbaycanın ən yaxşı natiqi olmaqla yanaşı 13-17 May tarixlərində Londonda keçiriləcək beynəlxalq yarışmada iştirak etmək haqqı qazanır.
Təlimlər: 16-17 Fevral (şənbə-bazar)
Mentorinq: 23-24 Fevral (şənbə-bazar)
Yarımfinal: 2-3 Mart (şənbə-bazar)
Masterinq: 9-10 Mart(şənbə-bazar)
Final: 16 Mart (şənbə)
Beynəlxalq Yarışma: (London): 13-17 May
Proqram 15-21 yaş arası şəxslər üçün nəzərdə tutulur. İştirak üçün hər hansı təcrübə tələb olunmur. Minimum pre-intermediate səviyyə ingilis dili kifayətdir. Seçim müraciət forması üzərindən aparılır.
Ətraflı məlumat: https://goo.gl/B5JcGJ
QEYDİYYAT: https://goo.gl/Uo998m
Son qeydiyyat tarixi: 31 Yanvar, 18.00. Qeydiyyatdan keçənlərlə müsahibə mərhələsi üçün 1 həftə ərzində əlaqə saxlanılır.