2
Avqustun 29-da Mingəçevir su anbarında batan Hüseynov Kamil Faiq oğlunun axtarışları başa çatıb.
Fövqəladə Hallar Nazirliyindən (FHN) Ucnoqta.az-a verilən məlumata görə, 1994-cü il təvəllüdlü K.Hüseynovun meyiti sudan çıxarılaraq aidiyyəti üzrə təhvil verilib.
Avqustun 29-da başlanan axtarışlara FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupları, Aviasiya dəstəsinin “BE 200 ÇS” amfibiya təyyarəsi, “Mi-17-1V” helikopteri, Xüsusi Riskli Xilasetmə Xidmətinin dalğıc-axtarış qrupu və xilasediciləri cəlb olunub.