1
Gəncədə piyadanı avtomobil vurub. Ucnoqta.az APA-ya istinadən xəbər verir, hadisə şəhərin Cavad xan qəsəbəsinə gedən yolda qeydə alınıb. Goranboy rayon Faxralı kənd sakini 1990-cı il təvəllüdlü Abdullayev Röyal Nurqədər oğlu yolu keçən zaman “Mercedes” markalı avtomobil onu vurub. Sürücü dərhal yaralını xəstəxanaya aparıb. Ona tibbi yardım göstərilib. Vəziyyətinin orta ağır olduğu bildirilir.
Faktla bağlı hüquq-mühafizə orqanları tərəfindən araşdırma aparılır.