1
"Məhərrəm ayının başlanması və gedişi ilə əlaqədar hələ ki, hər hansı qanun pozuntusuna rast gəlməmişik". "Report" xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.
O bildirib ki, Məhərrəm ayının keçirilməsi ilə əlaqədar Qafqaz Müsəlmanları İdarəsinin verdiyi fətvada irəli sürülən prinsiplərə əməl olunması üçün işlər həyata keçiriləcək: "Dövlət Komitəsi və QMİ-nin yerli qurumları Məhərrəm ayının Azərbaycan qanunvericiliyinə və QMİ-nin fətvasına uyğun keçirilməsi üçün lazımi tədbirlər görür. Əminəm ki, hər hansı bir insident baş verməyəcək və vətəndaşlarımız imam Hüseyn əzadarlığını dinimiz və qayda-qanunlarımız çərçivəsində həyata keçirə biləcəklər".