Akif Əli üzr istədi

Nazirlər Kabinetinin mətbuat xidmətinin rəhbəri Akif Əli dünya şöhrətli azərbaycanlı alim  Lütfi Zadə ilə bağlı səsləndirdiyi fikirlərə görə üzr istəyib. Ucnoqta.az "Qafqazinfo"ya istinadən xəbər verir ki, A. Əli bu barədə sosial şəbəkədə status yazıb
"ABŞ-da yaşayan və vəfat edən xalqın sevimli alimi Lütfi-Zadənin harada dəfn ediləcəyi ilə bağlı “Qafqazinfo” müxbirinin səhər-səhər hələ iş başlamamış, hələ mən qəzetlərlə, mətbuatdakı son xəbərlərlə tanış olmamış mənə verdiyi tələsik sualın tələsik cavabı haqlı narazılıq doğurub. Təəssüf edirəm ki, biz həmişə qarşılıqlı anlaşma şəraitində işlədiyimiz saytın müxbiri ilə telefonda bir-birimizi düz başa düşməmişik. Mən həqiqətən alimin dəfni ilə əlaqədar təfərrüatlara malik deyiləm. Və bunu bildirmişəm. Əgər yerinə düşməyən, bəlkə də emosional ifadələr olubsa üzr istəyirəm. Tanrı xalqın böyük aliminin ruhunu şad etsin!"