1
Liviya sahillərində miqrantları daşıyan gəmi batıb. Ucnoqta.az-ın "BBC"yə istinadən verdiyi məlumata görə, gəminin batması nəticəsində azı 97 nəfər itkin düşüb. Məlumatda deyilir ki, hazırda 23 kişi xilas edilib. Sahil mühafizəsinin nümayəndəsinin sözlərinə görə, xilasetmə əməliyyatı davam etdirilir. İtkin düşənlərin arasında 15 qadın və 5 uşaq olub. Qeyd edək ki, Liviya Aralıq dənizi vasitəsi ilə Avropaya düşmək istəyən qeyri-leqal miqrantlar üçün əsas tranzit məntəqəsi sayılır. Beynəlxalq Miqrasiya Təşkilatının məlumatına görə, bu il Liviya sahillərində azı 590 miqrant həlak olub və ya itkin düşüb.