1
Gəncə şəhər sakini Daşkəsəndə bıçaqlanıb. "Report" xəbər verir ki, hadisə yanvarın 16-da rayonun Mədənçilər qəsəbəsində baş verib. Belə ki, Gəncə şəhər sakini Qara Budaqov kəsilmiş-deşilmiş xəsarətlərlə Gəncə Şəhər Təcili Tibbi Yardım Xəstəxanasına yerləşdirilib.
Daşkəsən Rayon Polis Şöbəsinin (RPŞ) əməkdaşlarının həyata keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən Gəncə şəhər sakini İlkin Cəfərov tutulub.
Faktla bağlı Daşkəsən RPŞ-də araşdırmalara başlanılıb.