“Maşın bazarı”ndakı yanğın zamanı 5 nəfər zəhərlənib – RƏSMİ

Ötən gün "Maşın bazarı" adlanan ərazidə baş verən yanğın zamanı 5 nəfər tüstüdən zəhərlənib.Klinik Tibbi Mərkəzin Toksikologiya şöbəsinin müdiri Azər Maqsudov APA-ya deyib ki, onlar təcili yardım briqadaları ilə xəstəxanaya gətirilib. Zərərçəkənlərin  səhhətində ciddi problemlər olmayıb. Zəhərlənənlərə lazımi tibbi yardım göstəriləndən sonra evə buraxılıblar.
Qeyd edək ki, iyunun 30-da gecə Bakının Nizami rayonundakı “Maşın bazarı” adlanan ərazidə baş vermiş yanğın nəticəsində 930 kvadratmetr ərazi yanıb.