1
Dünyaca məşhur müğənni Enrike İqlesias Bakıdadır. Lent.az-ın məlumatına görə, tanınmış ifaçı “Formula 1” oyunları ilə əlaqədar olaraq paytaxtımızda səhnə almaq üçün təşrif buyurub.
Onun Azərbaycana gəlişi barədə ilk məlumatı isə konsertin təşkilatçısı Anar Reybend bildirib. Təşkilatçı tanınmış müğənni ilə şəklini paylaşaraq, “Bakıya xoş gəldin, dostum” şərhini yazıb.
Xatırladaq ki, E.İqlesiasın konserti bu gün Dənizkənarı Milli Parkda olacaq.
Qeyd edək ki, ötən gün də “Formula-1” yarışlarının birinci günü münasibətilə Dənizkənarı Milli Parkda konsert düzənlənib. Həmin gün amerikalı müğənni, Kris Braun çıxış edib.