ABŞ prezidenti Donald Tramp bildirib ki, ilk 200 təyyarə uğurla təhvil verilərsə, Çin "Boeing" təyyarələri üçün ən böyük sifarişi verə bilər.
Ucnoqta.az xəbər verir ki, o, bunu təyyarəsinin göyərtəsində jurnalistlərə bildirib.
"Si Cinpin inanılmaz bir insandır. Biz yaxşı yola getdik və bir çox əla ticarət müqavilələri bağladıq, o cümlədən sifarişi 750 təyyarəyə çatdırmaq öhdəliyi ilə 200-dən çox Boeing təyyarəsinin çatdırılması. Əgər onlar ilk 200 təyyarədə yaxşı nəticə göstərsələr, bu, indiyə qədər ən böyük sifariş olacaq və mən əminəm ki, edəcəklər", – deyə Tramp bildirib.
Amerika prezidentinin sözlərinə görə, müqaviləyə "General Electric"ə mühərrik tədarükü də daxil olacaq.
"Onlar həmçinin General Electric mühərrikləri alırlar. Söhbət 200 təyyarə üçün 400-450 mühərrikdən gedir, əgər hər şey yaxşı gedərsə, sifarişi 750-yə çatdırmaq mümkündür", – deyə o əlavə edib.