Hər il yollarda sürücülərin sükan arxasında yorulması səbəbindən qəzalar baş verir. Qəzaların təqribən 25 faizində sürücülərin yuxulaması faciə ilə nəticələnir.
Ucnoqta.az sürücülərə avtomobil idarə edərkən oyaq qalmaq üçün məsləhətlər təqdim edir.
1. Səfərdən əvvəl yaxşı yatın. Sağlam yuxu cədvəli ən azı 7 saat davam etməlidir, lakin səfərdən əvvəl mümkün qədər çox yatın.
2. Normal yuxu saatlarınızda avtomobil idarə etməkdən çəkinin.
3. Səfərdən əvvəl yuxululuğa səbəb olan dərman qəbul etməkdən çəkinin.
4. Sərnişinlərlə söhbət edin – bu, beyni gücləndirmək üçün əla vasitədir.
5. Avtomobilinizi sərin saxlayın – bu, sizi canlandıracaq.
6. Dayanmış vəziyyətdə idman edin və ya 15-20 dəqiqə yatın.
Yuxulu olduğunuzu və dayanmalı olduğunuzu necə bilirsiniz?
Özünüzü göz qırpdığınızı gördünüz (yuxulu olmadığınız zaman göz qırpmaq o qədər tez baş verir ki, biz bunu hiss etmirik, amma yuxulu olduğunuz zaman göz qapaqlarınız ağırlaşır və yavaş-yavaş bağlanır);
Tez-tez əsnəyir və gözlərinizi açıq saxlamaqda çətinlik çəkirsiniz;
Keçdiyiniz son yol nişanını xatırlaya bilmirsiniz;
Əlləriniz ağırlaşır və istəmədən qaz pedalını buraxırsınız.
Bütün bunlar beyin yorğunluğunun və yuxululuğun əlamətləridir.