Fars körfəzindəki münaqişə zamanı İrana dəyən zərərlər maraqlı maliyyə qurumlarının iştirakı ilə yaradılacaq xüsusi investisiya fondundan ödəniləcək.
Ucnoqta.az xəbər verir ki, bu barədə Fars xəbər agentliyi məlumat verib.
Tehranın təqdim etdiyi atəşkəs şərtlərinin tam mətni ilə tanış olan mənbənin sözlərinə görə, "İranın itkilərinin kompensasiyası yaradılan investisiya və maliyyə fondu vasitəsilə həyata keçiriləcək". Onun strukturu və ya idarəçiliyi barədə hələlik heç bir məlumat yoxdur.
Həmçinin bildirilir ki, İranın Hörmüz boğazından keçən gəmilər üçün toplamaq niyyətində olduğu vergilərin bir hissəsi münaqişə zamanı dağıdılmış obyektlərin bərpası proqramları üçün istifadə olunacaq. Agentliyin qeyd etdiyi kimi, İranın atəşkəs şərtləri İrana Omanla birlikdə Hörmüz boğazından keçən gəmilərə rüsum tətbiq etmək hüququ veriləcəyini nəzərdə tutur.