Hindistanın neft və qaz şirkətləri "Indian Oil Corporation", "Bharat Petroleum" və "Hindustan Petroleum" ABŞ ilə ildə 2 milyon tondan çox mayeləşdirilmiş təbii qaz (LNG) almaq üçün bir illik müqavilə imzaladılar.
Ucnoqta.az xəbər verir ki, bu barədə Cənubi Asiya respublikasının Neft və Təbii Qaz naziri Hardip Sinqh Puri məlumat verib.
"Hindistan neft şirkətləri 2026-cı il müqavilə ili üçün illik idxalımızın təxminən 10%-ni təşkil edən ildə təxminən 2,2 milyon ton mayeləşdirilmiş təbii qaz tədarükü üçün bir illik müqavilə imzalayıblar", – Puri öz bloqunda yazıb.
O, bunun Hindistan bazarına Amerika mayeləşdirilmiş təbii qazının tədarükü üçün ilk müqavilə olduğunu qeyd edərək, bunu tarixi adlandırıb.
Hindistan Neft Nazirinin vurğuladığı kimi, Yeni Dehli "Hindistan xalqını etibarlı və əlverişli mayeləşdirilmiş təbii qaz təchizatı ilə təmin etməyə və onun mənbələrini şaxələndirməyə sadiqdir".
Purinin sözlərinə görə, razılaşmadan əvvəl bir neçə aylıq danışıqlar aparılıb. Hindistan neft şirkətlərindən ibarət nümayəndə heyəti ABŞ-a səfər edib və aparıcı Amerika istehsalçıları ilə məsləhətləşmələr aparıb.