Mil-Muğan Regional Təhsil İdarəsnin tabeliyində fəaliyyət göstərən 41 ümumi təhsil müəssisəsində tikinti və cari təmir işləri aparılır.
Ucnoqta.az xəbər verir ki, buraya yeni məktəblərin tikintisi və cari təmir işləri, təhsil müəssisələrinin istilik sistemlərinin bərpası, idman zallarının, kitabxanaların əsaslı təmiri və digər məsələlər daxildir.
Saatlı rayonu İkram Ağayev adına Nabatkənd kənd və Sabirabad rayonu Zaur Əliyev adına Quruzma kənd tam orta ümumtəhsil məktəblərinin yeni binasının inşası, 5 uşaq bağçasının cari təmiri işləri davam edir.
Eyni zamanda ehtiyac olan 34 təhsil müəssisəsində cari təmir və mühəndis-kommunikasiya işləri həyata keçirilir.
Həyata keçirilən bütün təmir və tikinti işlərinin yeni tədris ili başlayana qədər başa çatdırılması nəzərdə tutulur.
Təhsil müəssisələrinin infrastrukturunun yaxşılaşdırılması istiqamətində görülən tədbirlər şagirdlərin və müəllimlərin daha müasir, təhlükəsiz və rahat şəraitdə fəaliyyət göstərməsinə şərait yaradır.