ABŞ səlahiyyətliləri, Vaşinqtona görə, Kuba səlahiyyətliləri tərəfindən işçilərin, o cümlədən tibb işçilərinin xaricə məcburi göndərilməsi ilə əlaqəli olan Afrika, Kuba və Qrenada rəsmilərinə viza məhdudiyyətləri tətbiq etdi.
Ucnoqta.az xəbər verir ki, bu barədə ABŞ dövlət katibi Marko Rubionun açıqlamasında deyilir.
"Bu gün Dövlət Departamenti Afrika, Kuba və Qrenadadan olan hökumət rəsmilərinə, eləcə də onların ailə üzvlərinə Kuba rejiminin tibb işçilərini yüksək qiymətlərlə digər ölkələrə "icarəyə verən" tibbi missiya sxemində iştirak etdiklərinə görə viza məhdudiyyətləri tətbiq etmək üçün hərəkətə keçib və Kuba hökuməti gəlirin böyük hissəsini özündə saxlayır", – sənəddə deyilir.
Qeyd olunur ki, bu sxem Kuba xalqını lazımi tibbi yardımdan məhrum etməklə korrupsiyalaşmış Kuba rejimini zənginləşdirir.
Bildirilir ki, Birləşmiş Ştatlar hökumətlərlə əlaqə saxlamağa və belə məcburi əməyə son qoymaq üçün müvafiq tədbirlər görməyə davam edəcək.