İyulun 1-dən Fransada ictimai yerlərdə siqaret çəkməyə tam qadağa tətbiq ediləcək.
Ucnoqta.az xəbər verir ki, bu barədə bazar ertəsi ölkənin Səhiyyə Nazirliyinin mətbuat xidmətindən məlumat verilib.
"Fransada hər il 75 min və ya gündə 200-dən çox insan tütün istehlakından ölür. Tütünün sosial xərcləri ildə 150 milyard avro qiymətləndirilir. Siqaret çəkənlərin 90%-i 18 yaşından əvvəl siqaret çəkməyə başlayır. Bütün bu hərəkətlərin aydın məqsədi var: bu gün doğulan uşaqların ilk olaraq siqaretsiz böyüyən nəsil olmasını təmin etmək", – açıqlamada deyilir.
İyulun 1-dən siqaret qadağası “uşaqların olduğu” yerlərə şamil olunacaq.
Siyahıya ictimai parklar, bağlar və çimərliklər, avtobus dayanacaqları və qapalı sərnişin gözləmə yerləri, yetkinlik yaşına çatmayanların qəbulu, tədrisi və ya yaşadığı yerlərin yaxınlığındakı ərazilər, kitabxanaların ətrafı, hovuzlar, stadionlar və idman qurğuları daxildir.