ABŞ administrasiyasının yeni tariflərlə hədələmələri iqtisadi hədə-qorxu taktikasının tipik nümunəsidir.
Ucnoqta.az xəbər verir ki, bunu TASS-a Çinin Amerika paytaxtındakı səfirliyinin mətbuat katibi Liu Penqyu ABŞ prezidenti Donald Trampın Çinə qarşı yeni idxal tarifləri tətbiq etmək hədəsini şərh edərkən deyib.
“ABŞ-ın qarşılıqlılıq adı tutur altında hegemon hərəkəti digər ölkələrin qanuni maraqları bahasına öz eqoist maraqlarına nail olmağa xidmət edir və “Birinci növbədə Amerika”nı beynəlxalq qaydalardan üstün tutur”, – diplomat bildirib.
"Bu, birtərəfli hərəkətlərin, proteksionizmin və iqtisadi hədə-qorxuların tipik təzahürüdür", – o vurğulayıb.
"Açıq əməkdaşlıq tarixi tendensiyadır və insanların istədiyi qarşılıqlı faydadır. İnkişaf bir neçə ölkənin müstəsna imtiyazı deyil, bütün ölkələrin universal hüququdur", – o əlavə edib.