56 saylı Xaçmaz-Şabran dairə seçki məntəqəsinindən şikayətlə daxil olan protokollarda qeyd edilən səslərlə rəsmi nəticələr arasında uyğunsuzluq var.
Bu barədə Mərkəzi Seçki Komissiyasının (MSK) bu gün keçirilən iclasında qurum üzvü Baxşeyiş Əsgərov bildirib.
O deyib ki, 52 saylı seçki məntəqəsindən daxil olan şikayətdə təqdim edilən protokollarında namizədin 117, rəsmi nəticələrdə isə 17 səs topladığı göstərilib:
"24 saylı seçki məntəqəsindən Könül Abdullayevanın protokolda 110, rəsmi nəticələrdə isə 10 səs topladığı göstərilib.
Namizəd Gülbala Məlikovun protokolda 200, rəsmi nəticələrdə isə 2 səs topladığı qeyd edilib".
B.Əsgərov qeyd edib ki, ümumilikdə 6 məntəqədə nəticələr saxtalaşdırılıb:
“Müraciət edilmiş şəxslər tərəfindən araşdırmaya təqdim edilmiş 56 saylı Xaçmaz-Şabran dairə seçki dairəsinin Rəhimli bələdiyyəsinə seçkilər keçirilən 24, 52, 53 məntəqələrində səsvermənin nəticələri haqqında protokolların müvafiq məlumatları saxtalaşdırması hallarının mövcud olmasına əsaslı şübhələr yaranması ilə bağlı müvafiq seçki subyektlərinin əməlində cinayət tərkibinin olub-olmamasın müəyyən edilməsi üçün seçki sənədləri Baş Prokurorluğa təqdim ediləcək”.///Modern.az