3
Avropa İttifaqı Rusiyaya qarşı sanksiyaların 16-cı paketi çərçivəsində 35 fiziki şəxs və 19 şirkəti qara siyahıya əlavə edəcək.
Ucnoqta.az xəbər verir ki, bu barədə “Polskie Radio” radiostansiyası məhdudiyyət layihəsinə istinadən məlumat yayıb.
Məlumata görə, sanksiyalar siyahısına Rusiya Federasiyası, KXDR və Çin vətəndaşları daxil olacaq – bunlar müdafiə sənayesi kompleksinin (DIC) işçiləri, energetika sahəsində sahibkarlar və Rusiya Federasiyasının yeni regionlarının hakimiyyət orqanlarının nümayəndələri olacaqlar.
Şirkətlərin siyahısına əsasən müdafiə sənayesi müəssisələri, eləcə də Rusiyanın Ukraynadakı təcavüzünü dəstəkləyən strukturlar daxil olacaq.